الدرس السابع والثامن والتاسع

الدرس السابع
------------------------------------------------------
ميراث الجدة الصحيحة
----------------------
درس النهاردة يا كتاكيت سهل وبسيط خالص .. تعالوا نشوف من هى الجدة الصحيحة ؟

الجدة الصحيحة هى التى لا ياتى فيها اب بين امين .. يعنى لو لاقيت اب بين امين تعرف على طول ان ده جدة غير صحيحة
فمثلا : ام اب الام ، ام ام اب الام ، ام ام اب ام الام .. كل دول جدات غير صحيحات .
غير كده بقى فالباقى كله صحيح .. زى ام الاب ، ام الام ، ام اب الاب ، ام ام الام ..................الخ
--------------------------
الجدة بقى ليها فى الميراث حالة واحدة بس .. ترث السدس فرضا ( 1 / 6 ف ) بشرط عدم وجود من يحجبها .
--------------------------
طيب مين بقى اللى بيحجب الجدة الصحيحة ؟
1 . الام تحجب جميع الجدات .. يعنى لو لاقيت ام تعرف ان مافيش ولا جدة هتورث .
2 . الاب يحجب الجدة الابوية فقط .. يعنى ام الاب ، وام اب الاب ............ الخ .. لكن خد بالك انت وهى .. الاب ما يحجبشى
الجدة الامية زى ام الام وام ام الام ............ الخ .
3 . الجد يحجب الجدة التى تدلى الى الميت عن طريقه .. يعنى اب الاب يحجب ام الاب .. لانه لو ما كانشى اتجوزها ما كانتشى
هتبقى جدة الميت .
4 . الجدة القريبة تحجب الجدة البعيدة . يعنى ام الاب ( تحجب ) ام اب الاب .
-------------------------
" كده نبقى خلصنا ميراث الجدة .. صعبة ؟ "
----------------------------------------------

الدرس الثامن والتاسع
---------------------------------------------
ميراث الاخوة والاخوات لام
===============
الاخوة والاخوات لام لهم حالتان فى الميراث كالاتى :
1 . يرث السدس فرضا ( 1\6 ف ) اذا كان واحدا فقط .
مثال : توفى عن / اخ شقيق ، ام ، اخ لام
الحل : للاخ الشقيق ( ق.ع ) ، للام ( 1\6 ف ) ، للاخ لام ( 1\6 ف ) لانه واحد فقط وليس معه من يحجبه .

2 . يرثون ( 1\3 ف ) اذا كانوا اكثر من واحد ، ذكورا كانوا او اناثا .
بس خدوا بالكم من الحتة المهمة اوى ده .. لو فى مثلا اخين لام واخت لام .. كلهم هيتقسم عليهم الثلث بالتساوى
وليس للذكر مثل حظ الانثيين .
مثال : توفى عن : اخ شقيق ، اخ لام ، واخت لام .
الحل : للاخ الشقيق ( ق.ع ) لانه من العشرين اللى كتبناهم قبل كده ، للاخ لام والاخت لام ( 1\3 ف ) يقسم بينهم بالتساوى
================
مـوقــفـهــم من الــــــــــــحـــجب
=================

1 . الاخوة والاخوات لام يحجبون بالفرع الوارث المذكر او المؤنث . ( ابن او ابن ابن او بنت او بنت ابن ..... الخ ) .

2 . الاخوة والاخوات لام يحجبون بالاصل الوارث المذكر . ( الاب ، الجد الصحيح ............. الخ ) .

انا اسفه لو كنت طولت عليكم بس يارب ينال اعجابكم

يا نور الهدى بجد الله ينر عليكى تستحقى تبقى الهدى نفسه
شكرااااااااااااااااااااااااااااااااااااااااااا
يا نور واعذرونى لانى تغيب اليومين اللى فاتو لانى كنت تعبان جدا ادعولى بالشفاء.
اخوكى فارس

مجهود اكثر من رائع لنور الهدى وربنا يشفيك يافارس

شكرا لمرورك الجميل ده يا dolaa وربنا يوفقك ويوفقنا جميعاواسال الله النجاح لنا جميعا